អាជ្ញាកណ្ដាលជនជាតិថៃលោក Pummarin Khamruen នឹងធ្វើជាចៅក្រមកាត់ក្ដីការប្រកួតក្របខ័ណ្ឌ V-League របស់វៀតណាមរវាង Hanoi FC និង QNK Quang Nam នៅកីឡដ្ឋាន Hang Day ក្នុងសប្ដាហ៍នេះ។Quang Nam និង Hanoi គឺជាក្រុមដែលប្រជែងតំណែងជើងឯកមានពិន្ទុប្រហាក់ប្រហែលគ្នា ខណៈការប្រកួតនៅសល់តែ២ទៀតនឹងបញ្ចប់រដូវកាលដូច្នេះប្រកួតមួយនេះហាក់ដូចជាវគ្គផ្ដាច់ព្រ័ត្រអញ្ចឹង។ ក្រុមភ្ញៀវ Quang Nam មានភាគរយខ្ពស់ក្នុងការឈ្នះពានដោយសារនាំម្ចាស់ផ្ទះ Hanoi ៣ពិន្ទុដូច្នេះបើឈ្នះការប្រកួតនេះពួកគេនឹងក្លាយជាជើងឯកតែម្ដង។
ការជ្រើសរើសអាជ្ញាកណ្ដាលបរទេសឲ្យដឹកនាំការប្រកួតគឺដើម្បីធានាភាពស្អាតស្អំក្នុងការប្រកួត ណាមួយលោក Pummarin គឺជាអាជ្ញាកណ្ដាលកម្រិត FIFA ធ្លាប់មានបទពិសោធន៍កាត់ក្ដីប្រកួតជាច្រើនរបស់វៀតណាមទាំងក្រុម U-23 និងក្រុមជម្រើសជាតិ៕
ប្រភព៖Sabay