ចន្លោះមិនឃើញ
បច្ចុប្បន្ននេះ ប្រទេសវៀតណាមមានថាមពលដើរដោយពន្លឺព្រះអាទិត្យ(សូឡា)សរុប ១៦.៥០០ មេហ្គាវ៉ាត់ ដែលស្មើនឹង ២៥% នៃថាមពលដែលបានតំឡើងក្នុងប្រទេស(ចំណែកប្រទេសកម្ពុជាមានចំនួន ៨%)។
កម្លាំងដ៏ធំសម្បើមនេះមានន័យថា វៀតណាមបង្កើនចំនួនបានទ្វេរដង (គិតត្រឹមខែមីនាឆ្នាំ ២០២១) ខណៈដែលកាលពីដើមឆ្នាំ ២០២០ ចំនួនដើមមានត្រឹមតែ ៨៥០ មេហ្កាវ៉ាត់ប៉ុណ្ណោះ។ វៀតណាម ក៏កំពុងកាប់កាប់កំណត់ត្រាជាប្រទេសផលិតបានថាមពលសូឡាធំជាងគេ នៅក្នុងតំបន់អាស៊ីអាគ្នេយ៍។
របាយការណ៍សិក្សា បានបង្ហាញថា ថាមពលសូឡាប្រទេសវៀតណាមគឺចាំបាច់ណាស់ដើម្បីសិក្សា “ការរៀបចំផែនការប្រព័ន្ធល្អប្រសើរជាងមុន និងផ្តោតការយកចិត្តទុកដាក់លើភាពបត់បែននៃអាគុយផ្ទុកថាមពល បូករួមទាំងការចូលរួមក្នុងវិស័យឯកជន ក្នុងការអភិវឌ្ឍន៍ការបញ្ជូនដើម្បីភ្ជាប់គម្រោងពួកគេ ហើយក៏នឹងជួយសម្រួលដល់ប្រសិទ្ធភាពក្នុងការបញ្ចូលថាមពលសូឡាទៅក្នុងប្រព័ន្ធអគ្គិសនី។"
នេះក៏ព្រោះតែ ថាមពលសូឡាដែលបានតម្លើងនៅតំបន់ខ្លះដែលមានពន្លឺព្រះអាទិត្យ គឺមានចំនួនច្រើនលើសសម្រាប់ខ្សែអគ្គិសនីដើម្បីជញ្ជូន ដោយលទ្ធផលបណ្តាលឲ្យមានការខ្ជះខ្ជាយអគ្គិសនី។
របាយការណ៍ក៏បានបង្ហាញច្បាស់ៗថាពីការរីកចម្រើនលឿនរហ័សនេះនឹងជំរុញឲ្យ វៀតណាម ក្លាយជាប្រទេសផ្គត់ផ្គង់ថាមពលសូឡាធំជាងគេដល់បណ្ដាប្រទេសជាសមាជិកអាស៊ាន ត្រឹមចន្លោះឆ្នាំ ២០២១ ដល់ ២០២៨ ៕